60 سنة على تأسيس العلاقات والتعاون بين تونس والهند، وبالمناسبة هذي، وفي وتيل في جهة قمرت عملت السفارة الهندية في تونس مهرجان كبير على المطبخ الهندي المشهور من 2 لـ8 أفريل إلّي فات

تظاهرة متميزة وتصير أوّل مرة في تونس، وين شارك في هالمهرجان زوز من أشهر الطباخة في الهند، إلّي جاو يحتفلو بالذكرى 60 من تعاون الزوز بلدان، تونس والهند.

الزوز طباخة ما جاوش فرايجيّة، عملو عروض وقدموا نصائح وأفكار متنوعة، كيما حكاو على ميزات المطبخ الهندي سواء من ناحية التنوع وإلاّ من ناحية صفاتو وإلّي شبهوها بالمطبخ العربي خاصة أنّو المطبخ الهندي يتميز بالجمع بين الأكلات العربية، التركية والإيرانية.