المعروف إلّي في الصيف تكثر الخرجة في العشويات، بين انك تعمل دورة تسرّح سويقاتك، وإلاّ تعمل مشية على حرف الشط تنسيك سخانة الطقس، وعزّ العشوية كيف يبدى في يدك قرطاس شيبس مملح يتقرمش يعمل 66 كيف.
أمّا زعمة سألتشي روحك نهار منين جاء الشيبس؟

يا سيدي بن سيدي أصل الحكاية بدات في نيويورك، وسببها عركة صارت في الخمسينات بين الشاف جروج كروم وحريف.

الحكاية وما فيها، كونوا هالحريف غلّب على جورج كروم وكلّ يوم يتشكّى مالبطاطا المقلية وكيفاش ياخوها كبيرة ومسّوسة. تصرّف الحريف قلّق الشاف كروم، إلّي حبّ يوقفو عند حدّو ويعملو عملة تنسيه في الفريت، وكان القرار في إنّو يقص البطاطا مدورة ورهيفة ويرشها بزايد ملح.

إلاّ أنّو الردّ متاع جورج كروم في عوض يقلّق الحريف لقى إعجاب كبير من بقية الحرفاء، ومن وقتها ولّى الشيبس مطلوب وحقّق شهرة عالمية.