سيدي رمضان شهر فضيل للصيام والصلاة والعبادة يكثر فيه دعاء الخير والصلاة على النبي والشهادة وكي نقولو سيدي رمضان.. نقولو صلاة التراويح

هذاكة علاش التحضيرات تكون قبل دخول رمضان بأيامات
تتحل الجوامع وتتفرش وبالعطر والروائح الطيبة تترش
ومن أوّل ليلة في رمضان تبدى التراويح في كلّ مكان
التراويح تقول ميعاد يجمع العباد لذكر المولى والتسبيح
هي صلاة القيام في شهر رمضان وصّى عليها سيدنا محمد عليه السلام
التراويح جات لختم القرآن وتكون الختمة ليلة 27
وكي نقولو تراويح نقولو جامع عقبة بن نافع في القيروان، جامع تاريخو كبير، وهو أوّل مسجد تبنى في المغرب الكبير 
من بعدها نلقاو جامع الزيتونة المعمور إلّي يتصدّر المدينة العربي في قلب العاصمة توة سنين
قائمة الجوامع والمساجد تطول، وفي كل ولاية تونسية نلقاو جامع كبير يشهد على تاريخ بلادنا
تاريخ يرسّخ الحضارة الإسلاميّة وأغلب الجوامع تعتبر مالمعالم الأثريّة
وإنشاء الله صيام مقبول وذنب مغفور