يا سيدي بن سيدي يا مرحوم الوالدين سفرة سيدي رمضان ما تحلى كان ببريك بنين هكة عوايد التوانسة توة سنين

السفرة زينتها بريكة مقلية تجلب العين
وعز البريكة كيف تبدا تونسية أصليّة
العظمة مروبة مرشوشة، تن، جبن وكبار إلي ما عندك معاه ما تختار
أما زعمة منين جاء البريك وحكايتو شنيّة؟
البريك عرفتو تونس مع الدولة العثمانية
وكي العادة التوانسة في التصنيف زعام، يتعلمو الصنعة ويوليو بيها القدّام
كيما تقول مماتي يرحمها علموه الصلاة سبق للجامع
والتوانسة ديما سابقين وفي فن الطبخ متطورين
أما فيبالكم إلي البريكة أيّام زمان كانت حيلة ام العروسة لنسيبها إذا حصل؟
الشرط لازم ينجح في ماكلة البريكة بعظمة مروبة من غير ما أصفر  العظمة يسيح ماكانش العرس بطل
بصمة تونسية لمرا زمنية تقلّب وتختار لبنتها زين الرجال وإنشاء الله بها الطرفة نكونوا عليكم خفاف ظلّ