أذّن الأذان.. ضرب مدفع.. تلمّت العائلة على سفرة مقديّة... من شربة، سلايط، بريك وشهيوة رمضان محضرتهم صويبعات زمنية أمّا التونسي ما يفهمو صيام ويتبنّ التصنيف كان ما تتحلّ العينين بقهوة عربي مزهرة تعمل الكيف

هكّة عوايدنا في سيدي رمضان، كان جانا في الشتاء وإلاّ في الصيف
أمّا زعمة علاش التونسي بعد نهار صيام عالقهوة يعمل كيف؟
يا سيدي بن سيدي القهوة تعدّل المزاج وتنسينا في تعب النهار
وبنّة القهوة كيف تترشفها مع العائلة في الدّار
أما منين جاتنا القهوة وشنوة الفائدة منها؟
القهوة أصلها تركية ظهرت في عهد الإمبراطوريّة العثمانية
تعلّموا جدودنا تحضيرها ومن وقتها تسمات بالقهوة العربي التونسيّة
نطيبوها في ززوة عالكانون ، نزيدوها قطيرة زهر وقشرة برقدان كان لزم
وقتها كيما تقول مماتي يرحمها ريحتها تفوح وتغذّي الرّوح
إلّي عالقهوة موش معروف، ونودّوكم بيه في كلمتين وشويّة حروف 
تركيبة القهوة منفعة للذاكرة والبدن
القهوة تقضي على التهاب المفاصل، تقلل مرض السكر وتحمي القلب والعظم
تعالج الإكتئاب، تقوّي الذاكرة وتحمي السنين والفم
مالة عليكم بفنجان قهوة في السهرية وتمتعوا بفوائدها الصحيّة
وإنشاء الله رمضانكم كلّو صحّة وخير