تمكّن نهار السبت 30 جوان المنقضي فريق طهاة توانسة من صعود البوديوم في مراكش والحصول على التروفيه الفضّي بعد احتلالو المرتبة الثانية في مسابقة التأهّل لمسابقة البوكوز الذهبي للطبخ

فوز فريق الطّهاة التونسي، ممثّل الجمعيّة التونسيّة لمهنيي فنّ الطبخ (أتباك) والمتكون من مروان اليونسي وخليل بن عمّار وأيّوب غنّاي إلى جانب ممثّل لجنة التحكيم التونسيّة وفيق بالعيد، يمكّن المجموعة، ولأوّل مرّة في تاريخ المطبخ التونسي، من خوض مسابقة البوكوز الذهبي إلّي باش تدور في مدينة ليون الفرنسيّة في جانفي 2019.

أجواء المسابقة نهار السبت كانت سخونة وقوية ودامت أكثر من 5 ساعات بمشاركة 20 شاف مثلوا إفريقيا، وين حقّق فوز التوانسة المرّة هذي نقلة نوعية في عالم الطبخ بعد ما تمّ على إثرو تصنيف المطبخ التونسي ضمن أحسن 24 مطبخ عالمي