مستحضر دبس الرمّان نستعملوه في الكوجينة، كيفو كيف الأفحات، نحطوه مع الدجاج واللحم، وانجمو زادو نفوحو بيه السلايط والمقبّلات
وعلى خاتر سوم دبس الرمان غالي، باش نقدملكم طريقة تحضيرو في الدار، خاصة أنّو الطريقة ساهلة ومتكونة من 3 حاجات أساسيّة: رمان وسكرّ وقارص وإلاّ برقدان

المكونات:
2 كوبات عصير الرمان
½ كوب سكر
½ كوب عصير قارص (وإلاّ برقدان)

طريقة التحضير:

خوذ طنجرة أليمنيوم على نار هادئة وحطّ فيها: عصير الرمان
زيد فوقو سكر + عصير القارص (وإلاّ البرقدان)
حرّك الطنجرة لين تغلي ومن بعد خليها لين يعقد الخليط
هبط الطنجرة مالغاز وخليها تبرد (وباش تلاحط إلّي الخليط كيف يبرد يكثر)
حطّ دبس الرمان في دبّوزة بلار وسكرها مليح وحطها في الفريجيدار

نصيحة:

مالأفضل ما تحطّش سكر وإلاّ نقّص منو باش يكون دبس الرمان طبيعي وصحي