برشة نساء مقديّة، تحب كوجنتها كاملة مكمّلة، تقول باش تلقى فيها حليب الغولة، أما المشكل الكبير إلّي تلقاه المرا هو كيفاش تصبّر الحشايش (كيما الزعتر، الإكليل، المردقوش وغيرها) باش ما يفسدوش.

الحل ساهل وبسيط، وهو إنّك تعبّي قوالب الثلج بالحشايش وتصب فوقهم زيت زيتونة وتحطهم في الكونجيلاتور، ونهارت إلّي تستحق دبارتك لنوع مالحشايش المصبّرة، ما عليك كان تاخو طابع مالقالب وتذوبو في المقلى.

وهكّة تكون ضربت عصفورين بحجرة، فوّحت طنجرتك بحشايش فرشكة وربحت كميّة الزيت إلّي باش تستعملها.

وخليني نقلكّ إلّي قوالب الحشايش المصبرة تنجم تستعملهم على طول العام.