الصيف عالأبواب، و كيما نعرفوا الصيف ضيف، ويجيب معاها العروسات، الخرجات والسهريات... وتلقى كل مرا وإلاّ صبيّة تخممّ في لباسة السهرية وبينها ومبين روحها محتيرة "زعمة آش نلبس بعد ما حوايجي ضياقتك عليا"

هذاكة علاش نقلكم إلّي الحل موش في شريان الحوايج، الحل في زريعة الكتّان، تعرفوها زريعة الكتّان؟

أي نعم، زريعة بنينة وفوائدها تجي تحسب تغلط، وأحنا اليوم باش نحكيو على منافع زريعة الكتان في تنقيص الميزان. حط مغرفة قهوة زريعة كتان مرحية في كاس ماء، خلطهم مليح وأشربهم 3 مرات في النهار، شرط إنو الكاس السحري هذا يتشرب قبل الماكلة بنص ساعة
أما كلّ وحدة فيكم ناوية تلبس حوايج عمناول وإلّي مازالو جدد، لازم تحط في بالها إلّي نص زساعة مشي حتّى نهار بعد نهار وكثرة شربان الماء يعاون برشة على تنقيص الميزان