الوصف

الصايم المحظوظ إلّي يقعد على طاولة وتقابلو سلاطة أفوكا، تملى العين وتغذي البدن بالفيتامين، سلاطة فيها كل شيء بالحكار والميزان، من طماطم السيريس للبرقدان



المقادير

  • 1 كعبة أفوكا
  • 1 صحفة طماطم سيريس
  • 1 كعبة برقدان
  • 2 قرون فلفل برلعبيد
  • 1 طرف كسبر
  • 1 طرف حبق
  • 1 رشة معدنوس
  • 1 كعبة قارص
  • 1 رشة تابل أخضر
  • 1 رشة ملح
  • 1 رشة فلفل أكحل

طريقة التحضير

  • 1 - قص كعبة الأفوكا على 2 وحكّها بالقارص فيسع
  • 2 - قشّر كعبة الأفوكا وقصها جويدة وما تنساش تزيد القارص باش ما تكحالش
  • 3 - قصّ الفلفل برلعبيد جويد
  • 4 - قشّر البرقدانة وقصها
  • 5 - توة تخلط المكونات الكل: أفوكا + طماطم سيريس + برقدان + تابل أخضر+فلفل أكحل+ شوية ملح + فلفل برلعبيد+عصرة قارص +حبق
  • 6 - سلاطة الأفوكا حاضرة وقبل ما تقدمعها زيدها رشّة كسبر ورشة معدنوس للزّينة

نصيحة الشاف

لف كعبة الأفوكا بورقة جريدة وبينتها ليلة تلقاها من غدوة طرية