الوصف

بين التونسي والكوجينة غرام كبير، يقلّك في المالح تلقاني وفي الحلو عملّ على أيام زماني، يتحداك بدباراتو وأفكارو، في وسط عائلتو عايش أجواء رمضانو، ومالدبارات الزمنية باش نذوقوكم محنشة باللوز محشية



المقادير

  • 100 غرام لوز
  • 100 غرام فستق
  • 50 غرام سكّر محوّر
  • 1 مغرفة صغيرة زبدة
  • 2 كعبات أبيض عظم
  • 1 باكو (أوراق سمبوسة (ملسوقة للحلو
  • 1 كأس سكر
  • 1/2 كأس ماء
  • 1/2 كعبة قارص

طريقة التحضير

  • 1 - حمّر اللوز وإرحيه
  • 2 - خلّط اللوز المرحي + السكر المحوّر
  • 3 - ارحي الفستق وحدو وحطّ على جنب
  • 4 - اركض الزبدة + الزيت
  • 5 - قص أوراق سمبوسة (الملسوقة) مالحرف متاعها وادهمنهم بالزّيت
  • 6 - زيد أبيض العظم لخلطة اللوز وأعملهم كعابر
  • 7 - خوذ كعبورة لوز وحلها بيدك لين تولّي طويلة
  • 8 - حطّ عجينة اللوز وسط ورقة سمبوسة (الملسوقة) ولفها واكبس لين تكمل
  • 9 - صفّف أوراق سمبوسة المحشيين في طبق ةوحطهم في الفور مدّة 15 دقيقة
  • 10 - في طنجرة حضّر الشحور : 1 كاس سكر + ½ كاس ماء + طرنشات قارص وخليهم يطيبو على نار هادئة
  • 11 - خرج الطبق مالفور وقص المحنشة صوابع
  • 12 - غطّس المحنشة في الشحور ومن بعد غطّسها في الفستق المرحي

نصيحة الشاف

كي لون القارص يتبدّل إفهم إلّي الشّحور طاب