الوصف

كي العيد الصغير كي راس العام، برشة توانسة يستقبلو الزوز مناسبات بالملوخية، أما زعمة الحكاية شنية؟ الحكاية وما فيها إنّو الملوخية في راس العام فال خير وعادة زمنيّة، أمّا في العيد خاترها مشتهيةّ



المقادير

  • 1/2 مغرفة صغيرة ملح
  • 500 غرام لحم عجل
  • 5 فصوص ثوم
  • 4 أوراق رند
  • 150 مليلتر زيت زيتون
  • 1 مغرفة كبيرة هريسة
  • 70 غرام ملوخية
  • 1/2 لتر ماء مغلّي
  • 1 مغرفة كبيرة فلفل أحمر
  • 1 مغرفة كبيرة تابل وكرويّة
  • 1 مغرفة صغيرة طماطم معجونة

طريقة التحضير

  • 1 - فوّح اللحم قبل بنهار بالطماطم + الفلفل أحمر + ثوم + تابل وكروية + هريسة + رشة ملح
  • 2 - قلّي الملوخية في الزيت
  • 3 - زيدها الماء المغلي وأبقى حرك
  • 4 - حطّ أوراق الرند وخلّي الطنجرة على نار هادئة لمدة 30 دقيقة
  • 5 - سقّط اللحم المفوّح في طنجرة الملوخية
  • 6 - غطّي الطنجرة وخليها تطيب لمدّة 3 سوايع من غير ما تنسى باش تتفقدها بالتحريك
  • 7 - كي تقرّ الملوخيّة زيتها معناها طابت وتنجم تذوقها وتذوق منها إلّي تحبّ وصحة وبالشفاء

نصيحة الشاف

الملوخيّة تطيب في طنجرة كبيرة وكي تحركها وهي فوق النار، لازمك توصل لقاع الطنجرة باش ما تشدّش