الوصف

كل ماهو خارج مالبحر بنين، حوت وإلاّ غلة تشهّي النفس وتملى العين، واليوم عينينا جات على الكروفات والكالمار، قلنا ما فيها باس في صحيّن سليطة مشخشخ من قاع الأبحار



المقادير

  • 1 مغرفة كبيرة زيت زيتونة
  • 1 رشة فلفل أكحل
  • 1 رشة ملح
  • 1 كعبة قارص
  • 1 كيلوغرام محار
  • 500 غرام كلمار
  • 250 غرام كروفات
  • 1 كعبة قرنيط
  • 1 ربطة معدنوس صغيرة
  • 1 كعبة سلاطة خضراء

طريقة التحضير

  • 1 - نظّف الكلمار واسمطو في الماء لمدة 30 دقيقة
  • 2 - نظّف القرنيط مليح واسمطو في الماء لمدّة 40 دقيقة
  • 3 - نظّف المحار وحطّ في القلاية فوق النار وخليه يتحلّ زمن بعد نحيه مالقشرة
  • 4 - نظّف الكروفات واسمطها في الماء لمدّة 5 دقائق
  • 5 - قصّ المعدنوس جويد
  • 6 - نحي أوراق السلاطة ونظفهم من غير ما تقصها
  • 7 - خلّط في صحفة: قارص + ملح + فلفل أكحل + زيت
  • 8 - قصّ إلّي سمطتهم الكل في صحفة وحدة وخلطهم
  • 9 - زيدهم الخليط إلّي حضرتو وخلطهم مليح
  • 10 - زيد قشور محار مع السلاطة إلّي حضرتها للزينة
  • 11 - حطّ على الدّاير متاع صحن التقديم أوراق السلاطة وصب فوقها غلال البحر
  • 12 - آخر حاجة ما تنساش تعمل رشة معدنوس

نصيحة الشاف

تنجمّ تقدّم مع سلاطة غلال البحر روز مسموط وصحّة وبالشفاء