الوصف

وصفتنا اليوم اسمها حار وطعمها حلوّ، مرصعة باللوز وبالزهر مرشوشة، هريسة بنينة مشتهية، تحلّي القعدة وتبنّن العشويّة، وصفتها ساهلة تنجّم تعملها كلّ مرا تونسيّة



المقادير

  • 1 كعبة عضم
  • 1 كيلوغرام لوز مقلي ومقشر ومرحي
  • 1 كيلوغرام سميد
  • 20 غرام خميرة
  • 1 كيلوغرام سكر
  • 1 فنجان زهر
  • 15 غرام فانيليا
  • 100 غرام زبدة
  • 2 لتر شحور

طريقة التحضير

  • 1 - خلّط في صحفة: السميد + اللوز المرحي + الخميرة + السكر + الفانيليا
  • 2 - صبّ فوق الخليط الزهر وخلط مليح
  • 3 - ذوّب الزبدة وصبها فوق المكونات إلّي عندك وخلطهم
  • 4 - زيد كعبة العظم وخلط المكونات الكل وحطهم في طبق فور
  • 5 - حطّ الطبق في الفور لين العجينة تشيح
  • 6 - طيّب الشحور
  • 7 - خرّج الطبق مالفور وصب فوقو شطر كمية الشحور
  • 8 - قص الهريسة مورسوات مربعة وزينها باللوز مالفوق
  • 9 - عاود حطّ الطبق في الفور لين الهريسة تحمار
  • 10 - خرّج الطبق وزيدو الشحور إلّي فضل وخلّي الهريسة تبرد

نصيحة الشاف

شحور هريسة اللوز لازم يكون سايل باش يدخل في وسط الطبق ويخليّ الهريسة ذايبة وخفيفة