الوصف

كيف تسمع بريك حلو تجي لبالك الصمصة.. بالفاكية محشية، مذهبة فالفور صحية و إلا في الزيت مقلية.. البنة هي هي


 



المقادير

  • 200 غرام "جلجلان "سمسم
  • 150 غرام لوز
  • 150 غرام بوفريوة
  • 150 غرام "سكر محور "سكر بودرة
  • 2 باكوات "بكوات ملسوقة "بريك
  • 100 غرام زبدة
  • 1/4 لتر ماء ورد
  • 1 كعبة "أبيض عظمة "بيضة
  • 150 غرام جلجلان أبيض لزينة
  • 1/2 كعبة قارص
  • 300 غرام سكر

طريقة التحضير

  • 1 - تحمر الجلجلان و اللوز والبوفريوة وبعد تهروشهم
  • 2 - تخلطهم وتزيد عليهم السكر و ماء الورد تدريجيا لين يتلام الخليط مليح
  • 3 - تقص ورقات الملسوقة مستطيلات وبعد تدهن كل مستطيل بالزبدة الذايبة.
  • 4 - تحط مغرفة صغيرة فاكهية في طرف المستطيل تلفها مرة يمين ومرة يسار حتى نتحصل على مثلث وفاللخر تسكرو بأبيض العظمة
  • 5 - تحط كعبات الصمصة في طبق في الفرن و تخليها مدة 7 دقائق حتى تولي مذهبة.
  • 6 - في نفس الوقت، تحضر الشحور إلي بش تغطس فيه الصمصة
  • 7 - كيف تخرج الصمصة غطشى في الشحور ، حث في كسكاس تستقطر ومتنساش ترشها بالجلجلان

نصيحة الشاف

من المستحسن الفاكهة متترحاش برشة باش تتبنن التقرميشة و تحس بتهشهيشة