الوصف

قالك أرطل أرطل وكلّ بلاد وارطالها، أسامي الدبارات تتبدّل أما ديما تقعد في أحكارها، كيما دبارة اليوم عندها إسمين فينا إلّي يعرفها عصيدة بالشكشوكة وفينا إلّي يقوللها بازين 



المقادير

  • 500 غرام فارينة
  • 1 رشة ملح
  • 1 راس بصل مقصوص
  • 1 مغرفة كبيرة طماطم معجونة
  • 1/2 مغرفة كبيرة فلفل أحمر
  • 1 مغرفة صغيرة تابل
  • 2 كعبات طماطم مقصوصة
  • 1 قرن فلفل مقصوص

طريقة التحضير

  • 1 - قلّي في طنجرة: زيت + طماطم + فلفل + بصل
  • 2 - زيد فوقهم: طماطم معجونة + ملح + فلفل أكحل + فلفل أحمر + رشة تابل
  • 3 - امرق الطنجرة وخليها تطيب
  • 4 - حلّ في طنجرة أخرى الفارينا بالماء حتّى تذوب
  • 5 - زيد رشّة ملح وحط الطنجرة عالغاز وكمّل التحريك لين تولي عصيدة
  • 6 - فرّغ العصيدة في صحن كبير وأعمل حفرة في الوسط صبّ فيها الشكشوكة

نصيحة الشاف

العصيدة تنجم تكون زادة فارينة وسميد، وللّي يحب، ينجّم يزيد لدبارة اليوم اللحم وصحة وبالشفاء