الوصف

طايبين في القلاّية وإلإ في الفور صوابع بالريقوتا بنّة عليها تغور.. بريك أفاحاتو ساهلة وتلقاهم ديما في الدار، وريقات نعناع شايح تزيدهم رشّة كبّار



المقادير

  • 100 غرام ريقوتا
  • 1 راس بصل مقصوص طرنشات
  • 2 مغارف صغار كبّار
  • 1 رشة نعناع شايح
  • 2 مغارف كبار معدنوس مقصوص
  • 1 مغرفة صغيرة زيت الزيتون
  • 3 أوراق ملسوقة
  • 2 كعبات عظم

طريقة التحضير

  • 1 - قصّ البصل طرونشات رهيفين وقلّيه في الزيت لين يليث
  • 2 - خلّط البصل + الكبار + الركوتا + النعناع + عظم + رشّة ملح + معدنوس
  • 3 - قصّ ورقة الملسوقة على 4 طروف
  • 4 - حطّ في كّل طرف مغرفة مالحشو إلّي حضرتو ولفها
  • 5 - ادهن صوابع الريقوتا بالزبدة وحطهم في الفور لمدّة 12 دقيقة

نصيحة الشاف

حطّ الريقوتا في الصفّاية قبل ما تزيدها للحشو، باش الماء متاعها ما يبلّش الملسوقة