الوصف

كثرت شهوات العائلة في آخر أيامات سيدي رمضان، والدلال وصل بيها تحب على حلالم مفوحّة وبالعصبان، وكي العادة للاّت العائلة قالت ما فيها باس، أطلبوا وإدلّلو يا اعز الناس



المقادير

  • 2 مغارف كبار زيت زيتونة
  • 1 راس بصل مقصوص
  • 50 غرام فول مصري
  • 50 غرام حمص منفخ
  • 3 كعبات طماطم مرحية
  • 1 كعبة عصبان شايح
  • 1 مغرفة كبيرة نعناع شايح
  • 1/2 مغرفة كبيرة تابل
  • 1/2 مغرفة صغيرة قرفة
  • 1/2 مغرفة صغيرة زعفران
  • 1/2 مغرفة صغيرة فلفل أكحل

طريقة التحضير

  • 1 - قللّي البصل في الزيت
  • 2 - زيد معاه الطماطم المرحية
  • 3 - حّط فوقهم: الفلفل الأكحل + القرفة + الزعفران + التابل + رشة ملح
  • 4 - أرمي الحمص + الفول المصري
  • 5 - امرق الطنجرة بالماء حركها وكيف تغلي حطّ العصبان
  • 6 - زيد الحلالم للطنجرة وقتلّي المكونات الكل تطيب
  • 7 - قبل ما تهبطها مالنار أعمل رشّة نعناع شايح وصحة وبالشفاء

نصيحة الشاف

الحلالم فيسع ما تطيب، هذاكة علاش لازم عينك ميزانك وما تكثرش مالتحريك باش ما تعجّنش