الوصف

دبارتنا اليوم، كيف تقوللها الأصالة تقلّك أنا، وكيف تقوللها الزينة، تقلّك عملتني يدين كلها فيانة، وكيف تقلها البنّة، تقلّك أعطني إنت رايك في الحلاوة، ومن غير ما تخلّط بيني وبين البقلاوة



المقادير

  • 1 فنجان لوز مقشّر
  • 1 فنجان جلجلان
  • 1 رشة ملح
  • 1 كأس زهر
  • 1 فنجان زيت
  • 1 فنجان سكر
  • 1 فنجان عسل
  • 250 غرام زبدة ذائبة
  • 1 كيلوغرام سميد
  • 1 فنجان بندق

طريقة التحضير

  • 1 - خلّط السميد + الزيت + الملح + الماء واعجن مليح
  • 2 - كي توليّ العجينة طرية ومتماسكة قسمها دورات صغار
  • 3 - حطّ شوية زبدة في القلاية وخليها تدفى
  • 4 - حطّ دورات السميد يطيبو وخليهم يحمارو مالجيهتين
  • 5 - ارفس دورات السميد بعد ما طابو بايديك مليح
  • 6 - صبّ فوق السميد المرفوس الزهر + الزبدة الذائبة وخلط مليح
  • 7 - حطّ طنجرة ماء تغلي وفوقها كسكاس
  • 8 - صب الخليط في الكسكاس وخليه يتفوّر مدّة 5 دقائق
  • 9 - زيد معاهم: العسل + البندق + السكر + لوز + جلجلان
  • 10 - زين المحكوكة إلّي حضّرتها برشّة بندق وكعبات لوز وصحة وبالشفاء

نصيحة الشاف

تطييب السميد يكون ديما على نار هادئة باش ما يتحرقش من برة ويبقى ني من داخل