الوصف

مهما كثرت الدبارات وكثر التصنيف قدام المرمز بالعلوش شيء ما يعمل الكيف، صحيّن منصوب فوق السفرة  تقول سلطان لامم العائلة في عقاب رمضان 



المقادير

  • 500 غرام لحم علوش
  • 1 مغرفة كبيرة فلفل أحمر
  • 1 مغرفة كبيرة تابل وكروية
  • 1 مغرفة كبيرة طماطم معجونة
  • 1 مغرفة كبيرة هريسة عربي
  • 1 كوب زيت زيتونة
  • 100 غرام حمص منفّخ
  • 2 قرون فلفل أخضر
  • 50 غرام فلفل برلعبيد
  • 3 كعبات طماطم مقصوصة
  • 250 غرام بصل مقصوص
  • 1/2 مغرفة صغيرة فلفل أكحل

طريقة التحضير

  • 1 - قصّ اللحم طروف متساوية وفوحو مليح بالتابل + الملح + الهريسة العربي + فلفل أحمر + فلفل أكحل
  • 2 - قلّي الزيت + البصل + الطماطم كعب + اللحم المفوّح
  • 3 - في صحفة صغيرة حلّ الطماطم المعجونة في شوية ماء وصبها في الطنجرة
  • 4 - حطّ الحمص + امرق بالماء وخليها تغلي لين يطيب اللحم
  • 5 - ارمي الفلفل الأخضر وخلي الطنجرة درج عالغاز
  • 6 - قبل ما تهبطك الطنجرة ارمي الفلفل برلعيد وصحة وبالشفاء

نصيحة الشاف

اللحم والحمص ياخذو وقت في التطييب، هذاكة علاش موش لازم تحط الحمص يغلي وحدو، خليه من الأوّل في الطنجرة يطيب مع اللحم