الوصف

من بين الدبارات الزمنيّة نلقاو دبارة المدفونة الأصليّة، ماكلة 100% تونسية، كي تراها تقول ملوخيّة، ريحتها البنينة والفاوحة عبّات الدار، وخلات الجارة تسأل على اسم الدبارة والحكار



المقادير

  • 1 كيلوغرام سلق
  • 500 غرام لحم مفروم
  • 1 مغرفة كبيرة نعناع شايح
  • 1 لتر زيت نباتي
  • 250 غرام ثوم مرحي
  • 50 غرام لوبيا منفخة

طريقة التحضير

  • 1 - نظّف السلق وقصّو واغسلو مليح وخليه يستقطر
  • 2 - فوّح اللحم بالملح + تابل + فلفل أكحل + ثوم مرحي + نعناع شايح
  • 3 - أعمل اللحم المفوح كعابر وخليهم على جنب
  • 4 - حطّ في كسارونا: لوبيا + ماء وخليها تغلي لين تطيب
  • 5 - قلّي السلق في زيت سخون لين يذبل وخرجو في كسكاس
  • 6 - اعصر السلق ومن بعد ارحيه نص رحية
  • 7 - حّط الزيت إلّي قليت فيه السلق في طنجرة وزيد معاه: ثوم مرحي + السلق المرحي + اللوبيا إلّي طيبتها + كعابر اللحم + الفلفل الأكحل + تابل + رشة ملح
  • 8 - خلّي الطنجرة تغلي عالغاز حتّى تقر زيتها

نصيحة الشاف

ما تخليش السلق يتحرق وقت إلّي تقلّيه