الوصف

بريكتنا اليوم موش كيما البريكات، لا تلقى فيها لا ملح ولا جبونات، بريكة حلوة مشتهية فيها الغلة وفيها زادة المكسّرات، وكان تسألني كيفاش نقلك خليك معايا وتبّع الخطوات



المقادير

  • 6 أوراق ملسوقة
  • 1 باكو كريمة فانيليا
  • 1/2 لتر حليب
  • 1/2 رطل سكر
  • 1/2 كعبة قارص
  • 2 كعبات بانان مقصوصة طرنشات
  • 200 غرام فستق
  • 1/2 لتر زيت

طريقة التحضير

  • 1 - حضّر الشحور: صحفة سكر + ماء + قارص وخليه على جنب
  • 2 - حضر الكريمة: حليب + كريمة + 4 مغارف سكر وخليها على جنب
  • 3 - قصّ أوراق الملسوقة على اثنين قد قد
  • 4 - خوذ بالشطر وحطّ مغرفة كريمة + طرونشات بانان + رشّة فستق
  • 5 - اطويها كيما تطوي صوابع البريك وعاود العملية حتّى يكملو الأوراق الكل
  • 6 - سخّن الزيت وأقلي كعبات الملسوقة المحشيّة بالكريمة
  • 7 - خرجهم في كسكاس باش يستقطرو زيتهم
  • 8 - غطّس صوابع الملسوقة في الشحور
  • 9 - خرّج البريك الحلو مالشحور وأعمل فوقهم رشّة فستق وصحّة وبالشفاء

نصيحة الشاف

باش تبقى البريكة طرية، أرميهم في شحور سخون، وما ترميهمش مالقلاية طول خاتر البريكة تشد الزيت