الوصف

في كلّ عيد صغير ومن عهد الجدود، الدار الكبيرة هي المقصود، تلم العائلة بعد شهر صيام، وما تسمع كان الضحكة وعز الكلام، طاولة منصوبة قهاوي عربي، مرش الزهر ومن جنبو صحن الحلو يطل، حلو على كل لون يا كريمة، أما عز الألوان تلقاه في كعابر اللوز البريمة



المقادير

  • 250 غرام سكّر محوّر
  • 250 غرام سكر عادي للزينة
  • 1 كيلوغرام لوز مقشر ومرحي
  • - - ماء ورد
  • - - ملوّن أحمر
  • - - ملوّن أخضر

طريقة التحضير

  • 1 - في صحفة: خلّط اللّوز + مع السكّر المحوّر وقسّموا على 3 طروف
  • 2 - خوذ الطرف الأوّل وخلطو بشوية ماء ورد لين تولّي العجينة متماسكة
  • 3 - نفس العملية مع الطرف خليط الثاني أمّا تزيدو ملون أحمر
  • 4 - نفس العملية مع الطرف خليط الثالث أمّا تحّط الملون الأخضر
  • 5 - توة تهزّ من كل طرف شوية عجينة وتحطها في يدك وتدور لين تولّي كعبورة فيها 3 ألوان
  • 6 - زين كعابر اللوز إلّي حضرتهم بالسكر وخليهم مدّة نهار كامل قبل ما تقدّمهم

نصيحة الشاف

باش تربح الوقت تنجّم تنفّخ اللوز في الماء المغلي وتقشرو وتخليه يشيح قبل بنهار من استعمالو، كيما تنجّم تعوّض ماء الورد بماء العطرشيّة وصحة وبالشفاء