الوصف

أعطيني وذنك وركّز مليح، دبارة اليوم عندها ماضي وتاريخ، كي تلقاها من أشهر الأطباق التونسية، تفركس في تاريخها إلّي يرجعنا للأندلسية، أيا مالة خوذ منيّ الوصفة وجربها وخليك قاضي وهات رايك في بنتها



المقادير

  • 1 - ماء ورد
  • 100 غرام نشاء
  • 500 غرام فارينة
  • 200 غرام جلجلان
  • 2 ملعقة طعام زيت
  • 6 - عظم
  • 1 رشة ملح
  • 1 لتر زيت للقليان
  • 1 كيلوغرام سكّر
  • 1 ملعقة طعام عصير قارص

طريقة التحضير

  • 1 - خلّط: الفارينة + الملح + العظم + 2 مغارف زيت
  • 2 - اعجن الخليط بيديك وخلّيها ترتاح نصّ ساعة
  • 3 - حضّر الشحور: سك + ماء + عصير قارص + شوية ماء ورد وخليه يغلي
  • 4 - قسّم العجينة إلّي عندك لكورات متوسطة
  • 5 - رشّ الطاولة بالنشاء وخوذ كورة مالعجينة وحلّها بالقلقال لين تولّي رهيفة
  • 6 - قصّ طرف العجينة بالسكينة طروف مستطيلة
  • 7 - اثني طرف العجينة على الفرشيطة وابقى دوّر لين وتكمل
  • 8 - لصّق أطراف العجينة بأبيض العظمة في بعضها
  • 9 - سخّن الزّيت وأقلي كعبات وذنين القاضي إلّي حضرتهم
  • 10 - خرّج الكعبات في صفاية ومن بعد سقّطهم في الشحور
  • 11 - خرج وذين القاضي مالشحور وأعملو رشّة

نصيحة الشاف

تنجم زادة تشدّ العجينة بسنتين مالفرشيطة وتحطّها في المقلى وتقعد يد تدور الفرشيطة ويد تعاون العجينة باش تدور لين تكمل الكعبة، من بعد اجبد الفرشيطة وخليها وتطيب