الوصف

أكيد برشة فينا قلقها التطييب وجو الكوجينة، أمّا كيف تلقى حاجة ساهلة وبنينة، ما تقولش لا وفي تحضيرها تقلّك أنا الهنا، هذاكة علاش جبتلكم تشيز كيك بالفراز



المقادير

  • 1 باكو كريم شانتيي
  • 1 مغرفة صغيرة مستخلص الفانيليا
  • 60 غرام سكر
  • 300 غرام جبنة الكريمي
  • 75 غرام زبدة
  • 125 غرام بسكويت
  • 1 حكّة معجون فراز
  • 10 كعبات فراز

طريقة التحضير

  • 1 - قص 5 كعبات فراز طرنشات وحطهم في صحفة وخليهم على جنب
  • 2 - كسّر كعبات البسكويت
  • 3 - ذوّب الزبدة وحطّها فوق البسكويت وخلطهم
  • 4 - خوذ صحن وإفرش فيه خليط البسكويت
  • 5 - أعمل فوقو فرشة معجون فراز
  • 6 - أركض في صحفة جبنة الكريمة + السكر + الفانيليا
  • 7 - أركض الكريم شانتيي وصبها فوق معجون الفرزا
  • 8 - زيد فوقهم طبقة جبنة الكريمي
  • 9 - للزينة حطّ كعبات الفراز الصحاج والطرنشات + صب فوقهم ماء الفراز
  • 10 - خلّي تشيز كايك في الكونجيلاتور أقل حاجة 3 سوايع ومن بعد صحّة وبالشفاء

نصيحة الشاف

اختار مغرفة ما تلصقّش واستعملها باش تستوي تشيز كيك ما بين الطبقات الطبقات