الوصف

مهما تصنّف وتجيب، زايد العجّة ديما وحدها لا عندها لا منافس ولا حبيب، عجّة محرحرة مفوحة كلها ثوم، والمرقاز غاطس وسطها يعوم



المقادير

  • 6 كعبات مرقاز
  • 2 مغارف كبار زيت الزيتونة
  • 2 مغارف كبار طماطم معجونة
  • 1 راس بصل مقصوص طرنشات
  • 3 فصوص ثوم مهرسين
  • 2 قرون فلفل أخضر مقصوصين طرنشات
  • 1 مغرفة كبيرة هريسة
  • 1 مغرفة صغيرة كمون
  • 1 مغرفة صغيرة تابل
  • 4 كعبات عظم
  • 1 مغرفة صغيرة ملح

طريقة التحضير

  • 1 - حطّ القلاية على نار هادئة وقلّي: زيت + بصل + ثوم
  • 2 - زيد معاهم طماطم معجونة + تابل + الفلفل الأخضر
  • 3 - حطّ المرقاز وحرك القلاية
  • 4 - صب كاس ماء وخليها تغلي لمدة 25 دقيقة
  • 5 - فقص العظم وبعد دقيقتين أطفي الغاز وصحّة وبالشفاء

نصيحة الشاف

أهم حاجة في تحضير العجة إنّك قبل ما تصب الماء ما تقصّش على التحريك