الوصف

دبارة عصير ديتوكس صحيَة ومفماش ما خير منها  باش نضمنو ونرتحو الجهاز الهضمي خاصَة وأنو العصير هذا متكوَن من أبن وأصح الغلال ، طعمه حلو بنين ومغذي في نفس الوقت ويعطيك طاقة إستثنائيَة وهذاك علاش من الأحسن يتشرب في الظهر يعني  بعد فطور نصف النهار لا الصباح بكري ولا في العشيه ، العصير هذا مجرَبينو برشه ناس ونال إعجابهم لدرجة إنهم إعتبروه بديل طبيعي ناجع لمشروبات الطاقة الإصطناعيَة.



المقادير

  • 2 كعبة تفَاح
  • 1/4 كعبة أناناس
  • 3 كعبة كيوي
  • 1 كعبة خوخ

طريقة التحضير

  • 1 - نحيو (إزالة) قلوب الغلَة ونقشروها ونغسلوها مليح(التفَاح ، الأناناس ، كيوي ، الخوخ )
  • 2 - نقطعو الغلة الكل إلى أبراج صغيرة باش نجمو نرحيوها في الخلاَط
  • 3 - للي يحب الحلو والنكهة ينجم يحط الآيس كريم أو نكهة الفانيليا
  • 4 - تتخط الغلَه مليح في الخلاط (العصارة الكهربائيَة )
  • 5 - ويتشرب بعد التحضير بصفة مباشرة، صحة وبالشفاء

نصيحة الشاف


نقطة قوَة هذا العصير: مثالي للتخلص من السموم، ينقص (يقلل) الشاهيه وبطبيعة الحال مدر للبول وموَلد للطاقة الطبيعيَة في الجسم .