الوصف

على خاترك تحب كلّ شيء دياري.. وقاعدة تتعلّم في الشقيقة والرقيقة.. ندخلك لكوجينتي ونعطيك سر من أسراري لصنع الخبز البنين في ساعة و50 دقيقة وتولّي كيما يقولو خبزك مخبوز وزيتك في الكوز



المقادير

  • 100 مليلتر زيت زيتونة
  • 250 مليلتر ماء دافئ
  • 1 ملعقة قهوة ملح
  • 1 كيس خميرة خبز
  • 300 غرام فارينة
  • 300 غرام سميد
  • 50 غرام فاح خبز
  • 1 - عضمة

طريقة التحضير

  • 1 - خلطّ الفارينة+ سميد+ الخميرة + الملح +فاح خبز
  • 2 - تزيد الماء والزيت بالشوية حتى تتماسك العجينة وتولي رطبة
  • 3 - تخلي العجينة تخمر مليح حتى تتضاعف وبعد تعركها مليح وتخرج منها الهوى الكل
  • 4 - خوذ قالب كايك دائري افرش فيه ورق طبخ وحطّ العجينة متاعك عدّي السكينة على العجينة من فوق
  • 5 - تدهن الخبزة من فوق بأصفر عظمة
  • 6 - خلّي الفور يسخن لمدّة 20 دقيقة وتحت درجة حرارة 220
  • 7 - حطّ القالب في الفور لمدّة 40 دقيقة

نصيحة الشاف

إذا كانت العجينة متاعك تتلصّق زيدها الفارينة وإذا كانت شايحة زيدها شوية ماء وصحة وبالشفاء