الوصف

كيف نروّح تاعبة ومالخدمة مهدودة.. نخمم في صحين مقلي عليه نعمل الكيف.. أنا مزروبة وهو في تحضيرو خفيف



المقادير

  • 1 مغرفة صغيرة ملح
  • 1 كعبة قرع أخضر مقصوصة طرونشات
  • 4 قرون فلفل حار
  • 4 كعبات عظم
  • 2 فصوص ثوم مهرسين
  • 3 كعبات طماطم مقصوصين طرونشات
  • 2 كعبات بطاطا مقشرين ومقصوصين
  • 1 رشة فلفل أكحل
  • 1 مغرفة صغيرة تابل وكروية
  • 2 مغارف كبار فارينة
  • 2 كيسان زيت

طريقة التحضير

  • 1 - حطّ في كسارولة: طماطم + شوية زيت + رشة ملح + رشة تابل وكروية+ ثوم وخليها تطيب على نار هادئة
  • 2 - ملّح البطاطا وأقليها
  • 3 - فقّص العظم في المقلى + رشة ملح + رشة فلفل أكحل
  • 4 - فوّح القرع بالملح + فلفل أكحل + تابل وكروية
  • 5 - أركض كعبة عظم في صحفة
  • 6 - غطّس طرونشات القرع في العظم ومن بعد في الفارينة وأرميهم في المقلى
  • 7 - ملّح الفلفل وأقليه

نصيحة الشاف

ما تقليش العظم بعد الفلفل باش ما يكونش طعمها حار وصحة وبالشفاء