الوصف

بالتمر والزبيب زيّن صحين المدموجة وذوقها لكل حبيب... وكان تحب تعرف أصلها منين.. نقلك حلوّ تونسي توة سنين... فمة إلّي يبدا بيها نهارو ويشدّ الثنية وفمة إلّي يحلي بيها العشوية.. وإذا تحب تجرّبها تبع الوصفة كيف ماهي



المقادير

  • 800 غرام سكر
  • 1 مغرفة كبيرة عصير ليمون
  • 1/2 لتر ماء
  • 2 مغارف كبار ماء عطرشية
  • 500 غرام سميد أرطب
  • 2 كيسان ماء دافئ
  • 2 كيسان زيت
  • 1 رشة ملح
  • 500 غرام تمر
  • 50 غرام زبيب
  • 100 غرام (...فاكية (الفاكية إلّي تحبّ فستق، بوفريوة، زوز
  • 60 غرام زبدة مذوبة

طريقة التحضير

  • 1 - خلّط السميد + رشة الملح + 6 مغارف زيت + شطر كمية الزبدة المذوبة
  • 2 - زيد الماء للخليط بالشوية بالشوية وديما اعجن لمدة 8 دقائق لين تتحصل على جينة متماسكة
  • 3 - غطّي العجينة وخليها ترتاح مدة ساعة
  • 4 - حضر الشحور: سكر + ماء + قارص وخليه يغلي لين يولّي خاثر وكيف يبرد صب فوقو ماء العطرشية
  • 5 - زيد الماء للعجينة بالشوية بالشوية واعجن لين تولّي طرية
  • 6 - خوذ العجينة بالطرف وحلها بالقلقال بعد ما تدهنها بالزيت وأقليها في زيت سخون
  • 7 - نحّي قلوب التمر وقصّو
  • 8 - فتفت العجينة في صحفة بعد ما تقلي الكمية الكل
  • 9 - زيد فوقها: التمر المقصوص + الفاكية + الزبيب وخلط مليح
  • 10 - سقي المكونات بالزبدة الذايبة وخلطها
  • 11 - صب الشحور بالشوية بالشوية وخلط
  • 12 - المدموجة حضرت وما عليك كان تزينها مالفوق بكعبات تمر من غير قلوب وشويّة زبيب وصحة وبالشفاء

نصيحة الشاف

خليّ العجينة تبرد وتستقطر مالزيت قبل ما تفتفتهاباش ما تحرقش يديك وما تكونش رزينة عالمعدة