الوصف

البسكويت صانع العجب.. وفي القاطوات تلقاه حاضر مرحي وإلاّ كعب... تخلطو بالشكلاطة، تحطّو مع الكريمة ديما يتحبّ.. وفي وصفة بانوفي بي، يحضر فيسع لا شقا ولا تعب



المقادير

  • 110 غرام زبدة
  • 300 غرام كريمة سائلة
  • 2 حكك حليب مركّز
  • 50 غرام قهوة
  • 1 كأس عصير قارص
  • 3 باكوات بسكويت بالقرفة
  • 100 غرام شكلاطة كحلة مبشورة
  • 3 كعبات بانان مقصوصين طرونشات

طريقة التحضير

  • 1 - حطّ حكك الحليب في طنجرة بالماء وخليهم ساعتين ونص فوق النار
  • 2 - حطّ البسكويت في خلاط وارحيه
  • 3 - زيد الزبدة فوق البسكويت واركضهم
  • 4 - حطّ خليط البسكويت في قالب قاطو
  • 5 - صبّ فوقو الحليب
  • 6 - خلّط البانان بعصير القارص
  • 7 - صفّف طرونشات البانان فوق الحليب
  • 8 - حطّ قالب القاطو في الكونجيلاتور لمدّة 30 دقيقة
  • 9 - أركض الكريمة السائلة بالخلاط
  • 10 - زيد فوقها القهوة وخلطهم مليح لين تولي مكفكفة
  • 11 - خرج القالب مالكونجيلاتور وحطّ فوقو الكريمة
  • 12 - زين القالب بالشكلاطة المبشورة وهكة بانوفي بي حضر للعشوية وصحة وبالشفاء

نصيحة الشاف

باش تتحصل على شكلاطة مبشورة من غير مجهود كبير قص الطابع إلّي عندك بسكينة تقشير البطاطا