الوصف

شكون  منا في دارو ما عندوش صغار ، تتدلل في الماكلة وتختار، تلقاهم يتجاراو للسندويتشات، وفي الجمبون شادّين الصحيح وماخذين قرار، وباش ادلّل صغيراتك وكّلهم جمبون بالعظم محضرتو صويبعاتك



المقادير

  • 200 غرام جمبون
  • 6 طروف خبز
  • 100 غرام جبن طازج
  • 1 كأس خل
  • 1 كعبة قارص
  • 3 كعبات عظم
  • 1 رشة فلفل أكحل
  • 1 رشة ملح

طريقة التحضير

  • 1 - حطّ طرف جمبون في صحفة وخليها على جنب
  • 2 - حط كسارولة عالغاز وصب فيها الخل
  • 3 - فقص كعبة عظم فوق سيلوفان وسكرا بيدك وغطسها في الخل
  • 4 - خرّج العظمة مالسيلوفان وحطها فوق الجمبون
  • 5 - خلّط في صحفة صغيرة القارص + الفلفل الأكحل + الجبن
  • 6 - حطّ مغرفة مالخليط فوق العظمة
  • 7 - خوذ طرف خبز وقصو في شكل على كبر دورة الصحفة إلي حاطة فيها الخليط وحطّها فوق منو
  • 8 - اقلب الصحفة في وسط صحن وهكة الجمبون بالعظم حضر وتنجم توكلو لصغيرك

نصيحة الشاف

اختار صحفة صغيرة حضّر فيها الجمبون باش تكون منظرها مزيان