الوصف

الأصل تركي والبنّة تونسية، هكة تشهرت بقلاوة الباي الزمنية، بقلاوة ملونة مرتّبة مصفوفة تحضر في كل لمّة وفي الفروحات معروفة



المقادير

  • 1 كيلوغرام سكر محوّر
  • 1 لتر شحور مخلّط بماء الورد
  • 500 غرام فستق مرحي
  • 500 غرام لوز مرحي
  • 500 غرام بوفريوة (وإلاّ بندق) محمَرة
  • 3 كيسان عصير الليمون

طريقة التحضير

  • 1 - قسمّ الشحور على 3 طروف
  • 2 - (خلّط كل طرف شحور بالفاكية كل وحدة وحدها باش تتحصل على عجين (عجين الفستق، عجين اللوز، عجين البوفريوة وإلاّ البندق
  • 3 - لفّ كل طرف عجين وحدو بالسيلوفان وحطّو في الكونجيلاتور
  • 4 - خرج العجين وحل كل طرف وحدو بالقلقال
  • 5 - حطّ الثلاثة طروف فوق بعضهم وقصها مربعات صغيرة
  • 6 - بقلاوة الباي حاضرة ما بقالك كان ترشها بالسكر المحوّر

نصيحة الشاف

باش تستحفظ عالميزانية تنجم تعوض الفاكية الكل باللوز أكاهو وكل طرف تعملو ملوّن (أخضر وأحمر) وهكّة بقلاوة الباي ما تتكلّفش