الوصف

بالفراز انجموا نعملو برشة حاجات كيما العصير والقاطوات، أما أنا اليوم حبيت نعرفكم على كرمبل فراز البنين، إلّي يذوب في الفم ويخليك تسأل عليه منين



المقادير

  • 100 غرام سكر أسمر
  • 50 غرام لوز مرحي
  • 4 أوراق حبق
  • 75 غرام زبدة
  • 150 غرام فارينة
  • 500 غرام (فراز مقصوص (الكعبة على 4
  • 1 كأس مستخلص الفانيليا

طريقة التحضير

  • 1 - حطّ في صحفة: فراز + حبق + نص كمية السكر وخلطهم مليح وخليوهم على جنب
  • 2 - خلّط في صحفة أخرى: فارينة + لوز مرحي + النص الثاني من كمية السكر
  • 3 - ذوّب الزبدة وصبّها فوق خليط الفارينة وخلط مليح
  • 4 - زيد للخليط إلّي ولّى عجينة مستخلص الفانيليا وعاود خلطهم مع بعضهم
  • 5 - أعمل فرشة عجينة في طبق الفور
  • 6 - صب فوقو خليط الفراز + فرشة أخرى مالعجينة + فرشة أخرى فراز
  • 7 - كرمبل الفراز حاضر باش تحطّو في الفور لمدة 40 دقيقة وتحت درجة حرارة 180

نصيحة الشاف

المعروف إنّو نبتة الحبق عندها برشة فوائد صحية منها يبعدنا عالقلقل والستراس، هذاكة علاش ننصحكم بكوّس تاي خفيف فيه عريشة حبق فاوحة وصحة وبالشفاء