الوصف

هزّ سفينتك وشق البحر.. خرّج الغلة واشويها.. عزّ الماكلة كي تطيب عالجمر.. بنّتها تخليك تهتري بيها



المقادير

  • 1 راس (ليتي (سلاطة
  • 1 كأس عصير قارص
  • 1 كعبة قارص مقصوصة طرنشات
  • 2 مغارف كبار معدنوس مقصوص جويّد
  • 2 مغارف كبار زعتر مرحي ومغربل
  • 1 فنجان ثوم مرحي
  • 1 كأس زيت زيتونة
  • 1 كعبة كلمار مقصوصة طرنشات
  • 8 كعبات (كروفات متوسطة مقشرة (خلّي الذيل صحيح ونحي الأمعاء مالظهر
  • 2 كعبات حبار كبير منظف
  • 1 مغرفة صغيرة ملح
  • 1 رشة فلفل أكحل
  • 1 كوب مايونيز
  • 1 مغرفة صغيرة زيت البابريكا

طريقة التحضير

  • 1 - قصّ الحبار على اثنين بالطول من بعد جرّحها بالسكينة وقصها طروف متوسطة
  • 2 - خلّط في صحفة: الحبار + الكروفات + الكلمار
  • 3 - خلط في صحفة أخرى: 2 مغارف ثوم + 2 مغارف زيت زيتونة + 2 مغارف عصير قارص + الزعتر المرحي + المعدنوس
  • 4 - صب الخليط فوق خليط الحبار وخلطهم مليح وغطيهم وخليهم 15 دقيقة
  • 5 - سخّن الشواية وحط فوقها المكونات لمدة 4 دقائق
  • 6 - خلطّ في صحفة: الليتي + رشة فلفل أكحل + ½ مغرفة صغيرة قارص + قطيرة زيت زيتونة + رشة ملح
  • 7 - سخّن 2 مغارف صغار زيت زيتونة
  • 8 - زيد فوقها زيت بابريكا حركو مدة دقيقة وهبطو من فوق النار
  • 9 - خلط المايونيز + زوز مغارف عصير قارص + 2 مغارف ثوم مرحي + رشة ملح
  • 10 - زيد فوقهم زيت البابريكا بعد ما برد وخلطهم مليح
  • 11 - خلّط نص كمية المايونيز + غلال البحر
  • 12 - حطّ في صحن التقديم: غلال البحر المشوية والمخلطة بالمايونيز + 2 مغارف كبار سلاطة + مغرفة ماييونيز
  • 13 - رش فوقهم رشّة زعتر وحطّ طرنشات القارص وصحة وبالشفاء

نصيحة الشاف

كي تقول أفاحات غلال البحر نقلك عليك بالبسباس إلّي يعطي نكهة خاصة للصحن متاعك