الوصف

كي نقلك جلجلانية، لازمك تعرف إلّي أنا نحكي على حلو تلقاه عند الدزيريّة وتلقاه زادة في العائلات التونسيّة، وصفة مشتهيّة وما تعرف تقدّها كان مرا زمنية، تتفنّن في الأشكال وتذوّق منها الجيران



المقادير

  • 1 مغرفة كبيرة زبدة
  • 50 غرام لوز محمّر
  • 200 غرام جلجلان محمّر
  • 1 صحفة عسل

طريقة التحضير

  • 1 - ادهن صحفة كبيرة بنص كمية الزبدة الي عندك
  • 2 - صب وسطها الجلجلان + اللوز وخلطهم مليح وخلي الصحفة على جنب
  • 3 - (خوذ العسل إلّي عندك وسخنو عالغاز لين يولّي جاري(تنجم تزيدو فنجان ماء وتحرك
  • 4 - صب العسل بالشوية بالشوية فوق الجلجلان وخلطّ لين تولّي عندك كرة مالعجين
  • 5 - ادهن بالزبدة إلّي بقاتلك طبق كبير وإلاّ طاولة وصب فوقها خليط الجلجلان واعجن بيديك لين تيبس العجينة شوية
  • 6 - أعمل الأشكال إلي تحبها مالعجينة كيما تنجم تصبها في قوالب
  • 7 - دخلها للفور اقل من درج وخرجها باش تبرد وصحة وبالشفاء

نصيحة الشاف

تنجم تعوض العسل بالشحور وهوني نذكرك إلّي الشحور يتكوّن من سكر + ماء + قارص وخليه عالغاز لين يتبدل لونو لذهبي