الوصف

على خاتر التوانسة في الماكلة مشهورين، عملو صحيّن تونسي مشخشخ وبنين، سلاطة وفاريونت زينتهم التن.. والفريت سخون مالمقلى طول للصحن



المقادير

  • 50 غرام تن
  • 1 كعبة طماطم مقصوصة طرنشات
  • 1 كعبة بطاطا مقلية
  • 1/2 مغرفة كبيرة هريسة مرخوفة بشوية ماء
  • 50 غرام كبّار
  • 100 غرام زيتون
  • 2 قرون فلفل برلعبيد
  • 1/2 كعبة قارص املّحة
  • 2 مغارف كبار (سلاطة تونسية خضراء (فلفل + طماطم + بصل+ فقوس
  • 100 غرام فاريونت مقصوصة
  • 1 كعبة عظم مسموطة ومروّبة
  • 1 مغرفة كبيرة زيت زيتون
  • 1 مغرفة صغيرة خل
  • 1 رشة ملح

طريقة التحضير

  • 1 - حطّ السلاطة في وسط الصحن
  • 2 - دوّر بيها الإمالح + طرنشات الطماطم + البطاطا المقلية + الليمونة الاملّحة
  • 3 - زيد فوقهم رشة تنّ + رشة كبار + الفلفل برلعبيد
  • 4 - عدّي مغرفة الزيت على الصحن الكل + مغرفة الخل
  • 5 - حطّ في الوسط كعبة العظم + عدّي فوقهم مغرفة الهريسة

نصيحة الشاف

تنجّم تزيد للصحن التونسي رشة معدنوس مقصوص وصحة وبالشفاء