الوصف

كي تشوف المنظر تقول وردة، مزين الصحن ومسقّي بالمرقة، في لونو أبيض حليب، وفي البنّة يحبّو البعيد والقريب، مرقة بروكلو عزّ الماكلة التونسيّة وفي كلّ دار مشتهية



المقادير

  • 1/2 مغرفة كبيرة فلفل أحمر
  • 1 مغرفة كبيرة تابل وكروية
  • 1 رشة فلفل أكحل
  • 1 رشة ملح
  • 2 فصوص ثوم مهرس
  • 1 مغرفة كبيرة طماطم معجونة
  • 2 مغارف كبار معدنوس مقصوص
  • 1 راس بصل مقصوص
  • 1 رطل لحم علوش مقصوص
  • 1 راس بروكلو مفرّك
  • 1 صحفة زيت
  • 2 كعبات عظم
  • 1 صحفة فارينة
  • 2 قرون فلفل أخضر

طريقة التحضير

  • 1 - غلّي الماء + رشة ملح
  • 2 - حطّ طروف البروكلو وخليهم يتسمطوا
  • 3 - قلّي في طنجرة أخرى: زيت + بصل + لحم
  • 4 - زيد للطنجرة: طماطم + فلفل أحمر + تابل وكروية + ثوم + رشة ملح + رشة فلفل أكحل + ماء وخلي المرقة تطيب
  • 5 - صفّي البروكلو مالماء وخليه يستقطر
  • 6 - غطّس البروكلو في العظم المركوض من بعد غطسو في الفارينة
  • 7 - أقلي طروف البروكلو وخليهم يستقطرو مالزيت
  • 8 - أقلي 2 قرون الفلفل
  • 9 - أرمي طروف البروكلو في المرقة بعد ما طاب اللحم وخليهم يغليو 5 دقائق
  • 10 - مرقة البروكلو حاضرة ما عليك كان تحطّ الفلفل المقلي مالفوق + رشة معدنوس مقصوص

نصيحة الشاف

تنجم ما تقليش الفلفل وأرميه مع البروكلو باش يطيب في المرقة