المقادير

  • 1 كعبة ليتي (سلاطة) مغسولة ومقصوصة
  • 1 مغرفة صغيرة زنجبيل
  • 1 مغرفة صغيرة كمون
  • 1 مغرفة صغيرة فلفل أحمر
  • 1 رشة فلفل أكحل
  • 1 رشة ملح
  • 3 مغارف كبار زيت
  • 1 مغرفة كبيرة خل
  • 1 مغرفة صغيرة خردل
  • 2 مغارف كبار معدنوس مقصوص
  • 1 راس بصل مقصوص
  • 1 صدر دجاج مقصوص مكعبات متوسطة
  • 2 كعبات باطاطا مقصوصين فريت
  • 1 مغرفة صغيرة عصير قارص
  • 1 كعبة قارص مقصوصة طرنشات

طريقة التحضير

  • 1 - خلّط مليح الدجاج + البصل + المعدنوس
  • 2 - فوح الدجاج بالفلفل أحمر + فلفل اكحل + زنجبيل + خردل + خل + زيت + ملح + كمون
  • 3 - لفّ الدجاج في السيلوفان وخليه في الفريجيدار مدة ساعة
  • 4 - ركّب طروف الدجاج في أعواد المشوي
  • 5 - سخّن المقلى وادهنها بشوية زيت وصفف فيها أعواد الدجاج
  • 6 - قلب الأعواد على الجهات الكل لين الدجاج يطيب
  • 7 - فوّح سلاطة الليتي: ملح + فلفل أكحل + قارص + زيت
  • 8 - أقلي البطاطا
  • 9 - فطورك حضر ما عليك كان تعمر الصحن: بروشات + مغرفة سلاطة + فريت + طرونشات قارص

نصيحة الشاف

حطّ الدجاج في ساشي بلاستيك إذا ما عندكش سيلوفان في الدار