الوصف

الصيف كلو فروحات، تلقى الأعراس وتلقى الطهورات، وكي تقول طهور تقول الحلة التونسية الزمنية مالقفطان للجبة الحرير والشاشيّة، يخرج المطهّر معنقر الكابوس وفي السهرية يدورو طبق حلو الطربوش



المقادير

  • 1 مغرفة كبيرة ملون أحمر
  • 300 غرام فارينة
  • 500 غرام زبدة
  • 1.5 كوب (سكر ناعم (غربل السكر الأرطب
  • 2 كعبات عظم
  • 1 باكو خميرة فورية
  • 1 باكو بسكويت مرحي
  • 2 مغارف كبار ماء ورد
  • 100 غرام لوز مرحي
  • 100 غرام بوفريوة مرحية
  • 100 غرام فستق مرحي
  • 1 مغرفة كبيرة ملون أكحل

طريقة التحضير

  • 1 - أركض الخميرة + السكر + 2 عظم في صحفة مدهونة بالزبدة
  • 2 - صب فوقهم الفارينة بالشوية بشوية وخلط لين تولي عجينة
  • 3 - زيد فوقهم ماء الورد وخلطهم مليح
  • 4 - خوذ حكار كاس مالعجينة وزيدها الملون الأكحل وخليها مدّة عشر دقائق
  • 5 - زيد لباقي العجينة الملون الأحمر وقسمهم كعابر صغرة وخليهم مدة 10 دقائق
  • 6 - خلّط في صحفة أخرى:البسكويت + الفستق + اللوز + البوفريوة
  • 7 - خوذ كعبورة العجينة + حلها على يدك + حط في وسطها طرف حشو وسكرها بيدك وأبدى أعمل شكل الطربوشة
  • 8 - (خوذ العجينة الملونة بالأكحل وأعمل خيوط الطربوشة بيدك (حطّ طرف عجينة وأبدى افرك لين تولي العجينة طويلة كي الخيط
  • 9 - لصّق الخيوط بالشوية في الطربوشة مالفوق
  • 10 - صفّف الطرابش بعد ما حضرو في طبق وحطهم في الفور مدة 20 دقيقة

نصيحة الشاف

كيف تزيد الفارينة عينك ميزانك، المهم العجينة تبدى متماسكة وطرية، وبالنسبة للفاكية حطّ إلّي تحب (تنجم تعمل لوز مرحي وحدو)