الوصف

نحسك مرا ذكية، وتعيّش عائلتك في أجواء عالمية، وعلى خاتر كاس العالم حديث الساعة، قلت ما فيها باس تزين طاولتك بسلاطة روسية



المقادير

  • 3 كعبات بطاطا مسموطة
  • 2 روس سفنارية مسموطة
  • 3 كعبات عظم مسموطة
  • 1 حكّة قطانيا
  • 50 غرام زيتون مقصوص
  • 1 راس بتراف مسموط
  • 3 مغارف كبار جلبانة مسموطة
  • 50 غرام امّالح مقصوصة
  • 2 مغارف كبار مايونيز
  • 1 مغرفة كبيرة موتارد
  • 2 مغارف كبار زيت
  • 1 رشة ملح
  • 1 رشة فلفل أكحل

طريقة التحضير

  • 1 - قصّ في صحفة: العظم + السفنارية + البطاطا + البتراف
  • 2 - حطّ فوقهم: رشة ملح + رشة فلفل أكحل + مايونيز + جلبانة + زيتون + إمّالح + زيت + موتارد + قطانيا وخلطهم مليح

نصيحة الشاف

تنجم تزيد معاهم خل العنب إلّي يعطي طعم خاص وبنين في السلايط وصحة وبالشفاء