الوصف

عمركشي ريت التمر مربّعة، تتبنّن المربّع تقول مورسو قاطو بنين... وفي قلبك تقول ملّة فيانة وصويبعات وتحب تعرف الأفكار منين؟



المقادير

  • 500 غرام تمر مرحي
  • 4 كعبات عظم + أبيض كعبة عظم
  • 200 غرام سكر محور
  • 50 غرام كاكاو
  • 1 كأس زيت
  • 2 مغارف كبار زبدة
  • 20 غرام خميرة قاطو
  • 20 غرام سكر فانيليا
  • 1 صحفة فارينة
  • 1 مغرفة صغيرة قرفة

طريقة التحضير

  • 1 - اركض في صحفة: العظم + السكر المحوّر + الزبدة لين يولّي لونهم أبيض
  • 2 - زيد فوقهم القرفة + السكر فانيليا + الخميرة وحركهم مليح
  • 3 - صبّ الفارينة بالشوية بالشوية وأبقى خلّط لين يولي الخليط عجينة
  • 4 - خلي العجينة ترتاح مدة ساعة ومن بعد قسمها على اثنين
  • 5 - خلّط التمر + الزيت واعجن بيديك
  • 6 - زيد فوقهم الكاكاو وخلطهم مليح
  • 7 - حطّ الطرف الأول مالعجينة فوق ورقة الطبخ
  • 8 - ادهن العجينة بأبيض العظم وحطّ فوقها طبقة من عجينة التمر وزيد ادهن بأبيض العظم وكمل حط الطرف الثاني مالعجينة وعاود ادهن بأبيض العظم
  • 9 - رش الجلجلان فوق العجينة المصففة طبقة بطبقة وخليها ترتاح مدة ساعة
  • 10 - قصّ العجينة إلّي قدامك مربعات ودخلها للفور مدة 20 دقيقة
  • 11 - مربعات التمر حضرت، خليها تبرد شوية قبل ما تقدمها

نصيحة الشاف

استعمل دبوزة تحل بيها العجينة إذا ما عندكش قلقال