الوصف

كي تحب تذوق الماكلة التونسيّة جرّب مرقة القرع الجربيّة.. صحيّن متنوش بالخضرة من كل شيء شوية، مرقة مشتهيّة مخلطة حمص وزبيب تود بيها كل حبيب



المقادير

  • 2 كيلوغرام طماطم مقصوصة مكعبات
  • 750 غرام قرع أحمر مقصوص مكعبات
  • 750 غرام لحم بقري مقصوص طروف صغار
  • 250 غرام حمص منفّخ
  • 3 روس بصل مقصوص مكعبات
  • 4 قرون فلفل أخضر مقصوصين مكعبات
  • 1 مغرفة كبيرة هريسة
  • 250 غرام زبيب
  • 1/2 فنجان زيت
  • 1 مغرفة صغيرة أفّاحات: تابل، كروية، كركم، فلفل أحمر و فلفل أكحل
  • 1 رشة ملح

طريقة التحضير

  • 1 - قلّي في طنجرة: زيت + بصل + طماطم + أفاحات + ملح + هريسة + لحم
  • 2 - زيد فوقهم: حمص + ماء وخلي الطنجرة تغلي
  • 3 - كيف قريب يطيب اللحم زيد شوية ماء + القرع + زبيب وخليه يغلي 10 دقائق
  • 4 - أرمي الفلفل الأخضر في الطنجرة وخليه يغلي شوية لين تولي المرقة خاثرة

نصيحة الشاف

كي تشدّلك الطنجرة وإلاّ تتحرق، هزها من فوق النار وغطّسها طول في الماء البارد باش مطعم الشياط ما يتعداش للماكلة الكل ومن بعد فرغ الماكلة في طنجرة أخرى وكمّل التطييب