الوصف

بنة الشامبنيون كيف يبدى مع الدجاج وغاطسين في الكرام فراش... هذاكة علاش قلت شنوة رايكم يكون الفطور طبق لازانيا سخون خارج مالفور



المقادير

  • 1 مغرفة كبيرة ثوم أخضر مقصوص
  • 1 مغرفة صغيرة ثوم مرحي
  • 2 حكك كرام فراش
  • 4 طوابع مرقة الدجاج
  • 1 رطل دجاج مفروم
  • 1 كوب شامبينيون مقصوص طروف صغيرة
  • 2 روس بصل مقصوص
  • 1 كأس زيت زيتون
  • 4 كعبات طماطم مقشرة ومقصوصة
  • 2 مغارف كبار طماطم معجونة

طريقة التحضير

  • 1 - قلّي في مقلى غارقة وكبيرة: زيت + بصل
  • 2 - زيد فوقهم الشامبنيون وخليهم مدة 5 دقائق
  • 3 - حطّ معاهم الدجاج وحركهم مليح لين يتبدل لونهم
  • 4 - زيد 2 طوابع مرقة الدجاج + شوية ماء سخون (كان لزم الأمر) وحركهم مليح
  • 5 - هبط المقلى من فوق الغاز بعد 5 دقائق وزيد فوقها الكرام فراش
  • 6 - قلّي في طنجرة: زيت + بصل + ثوم + طماطم + طماطم معجونة + 2 طوابع مرقة الدجاج + ثوم أخضر وخليهم مدة 10 دقائق على نار هادئة بعد ما تحركهم
  • 7 - غلّي في طنجرة: ماء + مغرفة زيت
  • 8 - أسمط اللازانيا (حرك الطنجرة باش اللازانيا ما تلصقش في بعضها)
  • 9 - خرج اللازانيا وغطسها في الماء البارد وصفيها
  • 10 - حط فرشة اللازانيا في طبق الفوق فوقها فرشة حشو دجاج وزيد فرشة أخرى لازانيا
  • 11 - صب صلصة الطماطم فوق طبق اللازانيا لين تتغطى ودخل الطبق للفور مدة 20 دقيقة وتحت درجة حرارة 200

نصيحة الشاف

الزيت ما يخليش المقرونة تلصق بعضها وقت السمطان