الوصف

بالخير نودّكم ومن أحسن الدبارات نذوقكم، وخير اليوم يجينا مالبحر تريليا فرشكة فوق الطاولة منصوبة طيبتها يديّات ماكلتها في العائلة محبوبة



المقادير

  • 2 مغارف كبار كمون
  • 1 رشة ملح
  • 1 كأس فارينة
  • 1 كيلوغرام تريليا
  • 1/2 لتر (زيت (زيت للقلي

طريقة التحضير

  • 1 - نظف التريليا واغسلها وصفيها مالماء
  • 2 - خلط في صحفة: فارينة + كمون + ملح
  • 3 - غطّس التريليا بالكعبة بالكعبة في خلطة الفارينة وقلبها على الجيهتين
  • 4 - سخّن الزيت في المقلى مليح وعلى نار متوسطة
  • 5 - (صفف كعبات التريليا في المقلى (الزيت لازم يغطّي التريليا
  • 6 - كيف تتقشر التريليا خرجها مالمقلى
  • 7 - التريليا بانيه حاضرة وتنجّم تحط معاها صحيّن سلاطة خضراء وإلاّ مشويّة وصحّة وبالشفاء

نصيحة الشاف

7 حاجات تخليك تعرف الحوت فرشك وإلاّ لا: لازم الخياشيم تكون وردية، العينين تلمع، تشم ريحة البحر في الحوت، ظهرها مطاط ويلمع وعليه طبقة رطبة وشفافة، كي تثبت في لون جوانب كرشها ما يكونش متبدل وما فيهش شقوق واللحم من داخل لونو شفاف وطبيعي، القشور ما تتنحاش فيسع،  وآخر نقطة بالنسبة للحوت الأملس ما يكونش مجلّد