الوصف

كلّ شيء في الماكلة بالتجراب، والدجاج البانيه دبارة تود بيها الأحباب، تحضيرو في رمشة عين، وجرّب ذوقو مع سلاطة وإلاّ روز تلقاه بنين



المقادير

  • 2 صدر دجاج منظفين ومقصوصين طرنشات
  • 3 مغارف كبار بصل مقصوص
  • 2 كعبات عظم مركوضين
  • 2 مغارف كبار ياغورت طبيعي
  • 2 مغارف كبار زيت عباد الشمس
  • 2 مغارف كبار عصير قارص
  • 1 مغرفة كبيرة بصل غبرة
  • 1 مغرفة صغيرة ثوم غبرة
  • 1 مغرفة صغيرة فلفل أكحل
  • 1 مغرفة كبيرة (دبس الرمان (رمان مهرّس وعاقد
  • 1 مغرفة صغيرة ملح
  • 1 كوب شابلور

طريقة التحضير

  • 1 - خلّط في صحفة كبيرة: بصل مقصوص + ياغورت طبيعي + زيت عباد الشمس + عصير قارص + بصل غبرة + ثوم غبرة + فلفل أكحل + دبس الرمان + ملح
  • 2 - غطّس الدجاج في الغليط إلّي حضرتو وخليه في الفريجيدار مدة ساعة
  • 3 - غطّس الدجاج في العظم من بعد غطسو في الشابلور
  • 4 - صفف الدجاج في طبق وحطّو في الفريجيدار مدّة نص ساعة
  • 5 - ادهن الدجاج بالزيت مالجيهتين وصففو في طبق فور مدهون بالزبدة
  • 6 - دخّل الطبق للفور تحت درجة حرارة 180 وخرجو كي لون الدجاج يحمار

نصيحة الشاف

الشابلور هو خبز مرحي وطريقة تحضرو في الدار ساهلة: قرقوش خبز بايت ويكون يابس وترحيه في الخلاط وتغربلو