الوصف

"خنفس دنفس بات متعشيّ"، مثل شعبي تتركّز عليه كلّ مرا تونسية حايرة في دبارة، وفريجيدارها ما فيهاش لحم، وأوّل ما تخمّم يجي لفكرها شكشوكة بالقرع



المقادير

  • 3 كعبات طماطم مقصوصة
  • 2 قرون فلفل مقصوص طرنشات متوسطة
  • 1 راس بصل مقصوص جويد
  • 300 غرام قرع أحمر مقصوص مكعبات
  • 1 مغرفة كبيرة طماطم معجونة
  • 1 رشة ملح
  • 1 رشة فلفل أكحل
  • 1/2 مغرفة صغيرة تابل
  • 1/2 مغرفة كبيرة فلفل أحمر
  • 1 كأس زيت
  • 1 مغرفة كبيرة نعناع شايح

طريقة التحضير

  • 1 - قليّ البصل في الزيت
  • 2 - زيد فوقو القرع + الطماطم كعب
  • 3 - حرّك الطنجرة وزيد حطّ طماطم معجونة + فلفل أحمر + فلفل أكحل + رشة ملح + ماء
  • 4 - أرمي الفلفل الأخضر كيف تنشف الطنجرة شوية
  • 5 - شكشوكة القرع حضرت وقبل ما تاكل منها زيدها رشة نعناع شايح مالفوق

نصيحة الشاف

تنجم تفقّص كعبتين عظم في الطنجرة من غير ما تحركهم