الوصف

عزّ السلمون كي يطيب في الفور، لا يضيّع وقت ولا يفوت وقت فطور، في تحضيرو الساهل وبريحتو الفوّاحة تعمل كيف وتفطر مع العائلة مرتاحة



المقادير

  • 1 كعبة فقّوس مقصوصة طرنشات
  • 1 كعبة قارس مقصوصة طرنشات
  • 2 فصوص ثوم مهرسين
  • 1 كعبة ليتي (سلاطة) مقصوصة
  • 7 مغارف كبار زيت زيتونة
  • 1 مغرفة صغيرة حبق شايح
  • 2 مغارف صغار ملح
  • 1 رشة فلفل أكحل
  • 1 مغرفة كبيرة عصير قارص
  • 3 مغارف صغار معدنوس
  • 2 طروف (سلمون فيليه (170غ/الطرف
  • 50 غرام زيتون مقصوص

طريقة التحضير

  • 1 - خلّط في صحفة: ثوم + زيت + حبق + ملح + فلفل أكحل + قارص + معدنوس
  • 2 - غطّس طروف السلمون في وسط الخليط لين يتغطاو وخليهمفي الفريجيدار ساعة من زمان
  • 3 - سخّن الفور تحت درجة حرارة 190
  • 4 - لفّ طروف السلمون في ورق الألمنيوم وحطهم في طبق الفور
  • 5 - صب فوقهم شوية مالخليط إّلي كانوا فيه ودخّل الطبق للفور مدة 40 دقيقة
  • 6 - حضّر السلاطة: ليتي + فقوس + رشة ملح + رشة فلفل أكحل + زيتون + قارص
  • 7 - فطورك حاضر وما عليك كان تحطّ: سلاطة + سلمون + طرنشات قارص وصحة وبالشفاء

نصيحة الشاف

كان تحسّ في روحك تاعبة، جرّب 2 فصوص ثوم مخلطين بمغرفتين عسل