المقادير

  • 200 غرام فواكه جافة للزّينة : لوز، جوز، بندق، فستق
  • 300 غرام سكر
  • 500 غرام بوفريوه مرحية
  • 200 غرام فارينة
  • 0.5 لتر حليب
  • 4 مغارف كبار ماء زهر
  • 1.7 لتر حليب
  • 4 مغارف كبار سكر
  • 1 باكو مستحضر كريمة

طريقة التحضير

  • 1 - حطّ البوفريوة والحليب في الخلاط وأركضهم مليح
  • 2 - زيد فوقهم الفارينة بالشويّة بالشويةّ من غير من تقص على الركض
  • 3 - صفّي الخليط في طنجرة
  • 4 - زيد فوقو السكّر
  • 5 - حطّ الطنجرة فوق الغاز وأقعد حرّك لين تولّي متماسكة كيما الكريمة
  • 6 - صبّ ماء الزهر وحركّها وهبطها من فوق الغاز
  • 7 - فرّغ عصيدة البوفريوة في صحافي
  • 8 - في كسرونة متوسطة خلّط الحليب + الكريمة + سكر
  • 9 - حطّ الكسرونة فوق الغاز لدرجة الغليان
  • 10 - غطّي عصيدة البوفريوة بالكريمة إلّي حضّرتها
  • 11 - خليّ الصحافي تبرد ومن بعد زينها بالفاكية إلّي عندك كيف ما تحب

نصيحة الشاف

تطييب أي نوع عصيدة يكون سلّة سلة، يعني طنجرتك لازم تكون على نار هادية وما تاقفش على تحريكها باش العصيدة ما تلصقش وإلاّ تعمل كعابر