الوصف

من صغري وكل ما نتفرّج في المسلسلات المصرية، نحب نفهم أم علي بالضبط شنية، هذاكة علاش اليوم تنتست وفركست وقررّت نمدّلكم الوصفة الأصليّة



المقادير

  • 10 أوراق خبز الرقاق الناشف
  • 1 باكو حليب
  • 1/2 كوب (زبدة (وإلاّ سمن
  • 2 مغارف كبار كرام فراش
  • 5 مغارف كبار سكر
  • 50 غرام (من كل نوع فاكية مرحية (حسب الرغبة: لوز، بندق، فستق، جوز، وغيرها مالفاكية
  • 50 غرام زبيب
  • 50 غرام جوز الهند

طريقة التحضير

  • 1 - قص في صحفة كبيرة ورقات الرقاق طروف صغيرة
  • 2 - خلّط طروف الرقاق + الفاكية + الزبيب + جوز الهند
  • 3 - غليّ الحليب وحطّ معاه: السكر + الزبدة (السمن) وما تقصش على التحريك
  • 4 - فرّق على كبر طبق خليط الرقاق وصب فوقو الحليب المغلّي
  • 5 - اعمل فرشة كرام فراش مالفوق ودخّل الطبق للفور تحت درجة حرارة متوسطة
  • 6 - خرج الطبق مالفور دوب ما يحمار شوية مالفوق
  • 7 - خلّي الطبق يبرد شوية باش الرقاق يشرب الحليب مليح
  • 8 - صينيّة أم علي حاضرة وكولها كيما تحب (سخونة وإلاّ باردة) وتنجّم تزيد مالفوق شوية فاكية

نصيحة الشاف

الفاكية في صينيّة أمّ علي ما تكونش مرحية برشة، يكفي إنك تخليها مهروشة باش تطعّم بنّتها